دايمًا بستغرب من الناس اللي قادرة تشتغل في وظائف روتينية، بيضيعوا 16 ساعة في الشغل والمواصلات وباقي اليوم في النوم، من غير مايستمتعوا بحياتهم أو يكتشفوا أي جديد فيها، عايشين عبيد لغيرهم، بالظبط زيّ خطوط الإنتاج في المصانع؛ آلات شغاله طول اليوم من غير ما تفكر إنها تطور أو تدي رأي أو تعترض على إسلوب، فقط تاخد الأمر وتنفذه بشكل ميكانيكي وروتيني لصالح غيرهم ..
وبستغرب لما بشوف متسول في الشارع، أو واحد بيتاجر بعاهاته، أو مدعي فقر أو مرض علشان غيره يمِن عليه ببعض الجنيهات، وأقول إزاي الناس دي مش مدركة إن دي حياتهم الحقيقية مش بروفة لها، ليه سايبين نفسهم مزلولين لغيرهم علشان ملاليم أو ملايين مش فارقة، مع إنهم ممكن بكل سهوله يبقوا ناس طبيعيين، يعيشوا بكرامتهم، ويستمتعوا بحياتهم، ويكتشفوا جديدها، أو يفكروا فيها وفي الحكمة منها ..
دايمًا وأنا صغير كنت بحب زيارة أقارب أمي اللي عايشين في الريف، اللي رغم بساطة عيشتهم عايشين ملوك، لأنهم عارفين يتكيفوا مع حياتهم ومع الدخل بتاعهم، وده الفرق بين فقراء الريف وفقراء المدينة ..
بس اللي اكتشفته النهاردة، إن حياتي بقت ماتفرقش كتير عن حياة موظفين الحكومة، أنا بردو بقيت عايش في روتين، أخلص شغلي في يوم أو يومين من الإسبوع، وباقي الأيام اقرا أو اتفرج على أفلام، وانام، وقليلا ما أكتب أو أُنتج.
عجبتني قووي قوي قوي يا مودي بجد جميلة
ردحذفبس انت حاول تتغير
اعمل اللي تحبوا علشان تقدر تستمر عليه
خلاص اتفقنا وحاول تحب اللي بتعملوا محبتوش مش زمبك
ولا مشكلتك عادي جداا ما تاقلمتش ولا تكيفت مع هذه الحياة الروتينية المملة اعمل ما تحب حتي تحب ما تعمل
انا اسماء علي فكرة
ردحذفاسماء ايهاب حسن
للعلم ليس اكثر